N ational e V idhan A pplication
Di g i t a l Legislatures
More
  • news
    03/01/2019

                                                       પ્રેસ રિલિઝ

    આજ રોજ ગુજરાત વિધાનસભા ખાતે માન.અધ્‍યક્ષશ્રી રાજેન્‍દ્ર ત્રિવેદીની ઉત્તરપ્રદેશના ઉપ મુખ્‍યમંત્રીશ્રી ર્ડા. દિનેશ શર્માએ મુલાકાત લીધી હતી. તેઓએ ઉત્તરપ્રદેશ સરકારના કુંભ-ર૦૧૯ના આયોજન રૂપે ‘‘દિવ્‍ય કુંભ ઔર ભવ્‍ય કુંભ’’ ની પરિકલ્‍પના કરી છે. કુંભમેળો એ ભારતની ઐતિહાસિક, સાંસ્‍કૃત્તિક અને આધ્‍યાત્‍મિક ધરોહરનું કેન્‍દ્ર માનવામાં આવે છે. આ કુંભમેળો તા.૧પ જાન્‍યુઆરી-ર૦૧૯ થી ૪થી માર્ચ-ર૦૧૯ સુધી પ્રયાગરાજ ખાતે ચાલનાર છે. આ કુંભમેળામાં ર૦૦ દેશોના પ્રતિનિધિઓ તેમજ આપણા અલગ-અલગ રાજયના રાજયપાલશ્રીઓ, મુખ્‍યમંત્રીશ્રીઓ અને અતિથિ વિશેષ મહાનુભાવો ઉપસ્‍થિત રહેનાર છે. આ ધાર્મિક પ્રસંગે ઉત્તરપ્રદેશના ઉપ મુખ્‍યમંત્રીશ્રી ર્ડા. દિનેશ શર્માએ ગુજરાત વિધાનસભાના માન.અધ્‍યક્ષશ્રી રાજેન્‍દ્ર ત્રિવેદીને કુંભમેળામાં ઉપસ્‍થિત રહેવા રૂબરૂમાં આમંત્રણ પાઠવેલ હતું. આ આમંત્રણ બદલ માન.અધ્‍યક્ષશ્રીએ આભારની લાગણી વ્‍યકત કરી હતી.

  • news
    03/01/2019

                                               પ્રેસ રિલિઝ

    ગુજરાત વિધાનસભાના માનનીય અધ્યક્ષશ્રી રાજેન્દ્રભાઇ ત્રિવેદીની પ્રેરણાથી શ્રી ગણેશ વાસુદેવ માવલંકર સંસદીય અભ્યાસ અને તાલિમ બ્યુરો ના ઉપક્રમે  ગુજરાત વિધાનસભા સચિવાલય ના અધિકારીઓ-કર્મચારીઓ માટે વિખ્યાત માનસશાસ્ત્રી ડૉ.શ્રૃતિબેન શાહના પ્રવચનનો કાર્યક્રમ ગુરૂવાર, તા. ૩જી જાન્યુઆરી ૨૦૧૯ના રોજ સવારે ૧૧.૦૦ કલાકે વિધાનસભા સચિવાલય ખાતે ચોથા માળે આવેલા ખંડમાં આયોજીત કરવામાં આવેલ. આ કાર્યક્રમ ના માધ્યમથી માનવી ના અર્ધ જાગૃત મનની શક્તિઓ તથા અન્ય વિષયો અંગે ડૉ. શ્રૃતિબેન તેમના વિશદ અભ્યાસ થી જ્ઞાનવૃદ્ધિ કરી જે તમામ કર્મયોગીઓને તનાવમુક્ત જીવન માટે ઉપયોગી બનશે.

  • news
    27/11/2018

    પ્રેસ રીલિઝ

     ગુજરાત વિધાનસભા સચિવાલય ખાતે ગ.વા.માવલંકર સંસદીય બ્‍યુરો અને આઈ.ટી.શાખાના સંયુકત ઉપક્રમે ભારત સરકારના સંસદીય કાર્યમંત્રાલયના મિશન મોડ પ્રોજેકટ નેશનલ ઈ-વિધાન એપ્‍લીકેશન (નેવા) અંગેનો દ્વી દિવસીય ઓરીએન્‍ટેશન વર્કશોપ તા. ૨૬-૨૭ નવેમ્બર, ૨૦૧૮ ના રોજ ગુજરાત વિધાનસભાના માનનીય અઘ્‍યક્ષશ્રી રાજેન્‍દ્રભાઈ ત્રિવેદીના પ્રમુખપદે અને ભારત સરકારના સંસદીય કાર્યમંત્રાલયના સંયુકત સચિવશ્રી તથા નેવાના મીશન લિડર ડો.સત્‍ય પ્રકાશની ઉપસ્‍થિતિમાં યોજાયો હતો.

    દ્વિ- દિવસીય વર્કશોપના પ્રથમ દિવસે તા. ૨૬ નવેમ્બર, ૨૦૧૮ના રોજ ભારત સરકારની રાષ્‍ટ્રીય નેવા ટીમના શ્રી સુજીતકુમાર અને સુશ્રી પ્રિયંકાએ વર્કશોપમાં ઉપસ્‍થિત રહી રાજયના વિજ્ઞાન અને પ્રોદ્યોગિકી વિભાગ, વૈધાનિક અને સંસદીય બાબતો, જી.આઈ.એલ. તથા વિધાનસભાના અધિકારીઓ તેમજ કર્મચારીઓને નેવા એપ્‍લીકેશનના વિવિધ મોડયુલોનો પરિચય આપી, પ્રશ્‍નોત્‍તરી મોડયુલ, દિવસના કામગીરીની યાદી અંગેનું મોડયુલ,ગૃહના મેજ ઉપર મૂકવાના કાગળોનું મોડયુલ, નોટિસ મોડયુલ, વિધાનસભાની કાર્યપઘ્‍ધતિ સમજાવી તેમાં લાઈવ ડેટા એન્‍ટ્રીની સમજણ આપી હતી.

    વર્કશોપના બીજા દિવસે તા. ૨૭ નવેમ્બર, ૨૦૧૮ના રોજ વિધાનશાખાની પ્રશ્નશાખામાં સુજીતકુમાર અને સુશ્રી પ્રિયંકાએ પ્રશ્નશાખાના અધિકારીઓ/કર્મચારીઓ, નોટીસ ઓફીસ મોડ્યુલ તથા દિવસના કામકાજની યાદી સંબંધમાં લાઇવ ડેટાની સમજણ આપી હતી તથા વિધાનસભાના અન્ય શાખાના અધિકારીગણ સાથે નેવા એપ્લીકેશનના વિવિધ મોડ્યુલની ચર્ચા સાથે ગુજરાત વિધાનસભાની કાર્યપ્રણાલીની ચર્ચા કરી હતી.  

              વર્કશોપના અંતમાં નેવાના મિશન લીડર ડૉ. સત્યપ્રકાશ અને સચિવશ્રી, વિધાનસભાએ વર્કશોપમાં ભાગ લેનાર અધિકારીગણ સાથે ચર્ચાવિચારણા હાથ ધરી હતી જેમાં નેવા એપ્લીકેશન વિધાનસભાની કાર્યપ્રણાલીના સરળીકરણમાં મહત્વનો ભાગ ભજવી લોકશાહીને મજબૂત બનાવવા તરફનો પ્રયાસ હોવાનું જણાવ્યું હતું. વર્કશોપના અંતે વિધાનસભાના તમામ પ્રતિભાગીઓને સર્ટીફીકેટ વિતરણ કરવામાં આવ્યા હતા અને નાયબ સચિવશ્રી (આઇ.ટી.) દ્વારા વર્કશોપને સફળ બનાવવા અને નેવાના સફળતાપૂર્વક અમલિકરણ માટે સૌને શુભકામનાઓ આપી હતી અને વર્કશોપને પૂર્ણ જાહેર કર્યો હતો. 

  • news
    26/11/2018

    પ્રેસ રીલિઝ

           સોમવાર, તા.ર૬ નવેમ્‍બર, ર૦૧૮ ના રોજ ગુજરાત વિધાનસભા સચિવાલય ખાતે ગ.વા.માવલંકર સંસદીય બ્‍યુરો અને આઈ.ટી.શાખાના સંયુકત ઉપક્રમે ભારત સરકારના સંસદીય કાર્યમંત્રાલયના મિશન મોડ પ્રોજેકટ નેશનલ ઈ-વિધાન એપ્‍લીકેશન (નેવા) અંગેનો ઓરીએન્‍ટેશન વર્કશોપ ગુજરાત વિધાનસભાના માનનીય અઘ્‍યક્ષશ્રી રાજેન્‍દ્રભાઈ ત્રિવેદીના પ્રમુખપદે અને ભારત સરકારના સંસદીય કાર્યમંત્રાલયના સંયુકત સચિવશ્રી તથા નેવાના મીશન લિડર ડો.સત્‍ય પ્રકાશની ઉપસ્‍થિતિમાં યોજાયો હતો.

              એકવીસમી સદી એ માહિતીની સદી છે. ડીજીટલ યુગમાં લોકો પાસે સરળતાથી માહિતી મેળવવાના અનેક સ્‍ત્રોતો ઉપલબ્‍ધ છે. લોકોને પ્રજાના પ્રતિનિધિ એટલે કે ધારાસભ્‍યો અને સંસદસભ્‍યોની કામગીરી અને કાર્યવાહીની સચોટ, સમયસર અને સરળતાથી એક જ જગ્‍યાએ શી માહિતી મળી રહે તે માટે દેશભરના ૪૦ વિધાનમંડળોને એક જ જગ્‍યાએ ઉપલબ્‍ધ કરાવતી નેશનલ ઈ-વિધાન એપ્‍લીકશેન (નેવા) ભારત સરકારના સંસદીય કાર્યમંત્રાલય ઘ્‍વારા ‘‘ડિઝીટલ ઈન્‍ડિયા’’ કાર્યક્રમ હેઠળ મિશન મોડ પ્રોગ્રામ તરીકે તૈયાર કરવામાં આવી રહેલ છે. ગુજરાત રાજયમાં ગુજરાત વિધાનસભાના સચિવશ્રી ડી.એમ.પટેલ નેવાના નોડલ અધિકારી છે.

              નેવાની વર્કશોપનું ઉદ્રઘાટન કરતાં માનનીય અઘ્‍યક્ષશ્રી રાજેન્‍દ્રભાઈ ત્રિવેદીએ જણાવ્‍યું હતું કે જેવી રીતે વીસમી સદીમાં કુ્રડ અને પેટ્રોલિયમનો માલિક રાજા ગણાતો તે જ રીતે એકવીસમી સદીમાં જેની પાસે ડેટા કે માહિતીની  માલિકી  હશે    તે  જ   રાજા    ગણાશે.    આજના    ડીઝીટલ     યુગમાં માહિતી અખૂટ છે પરંતુ વિખરાયેલી છે ત્‍યારે નેવાની એપ્‍લીકેશન ઘ્‍વારા દેશના તમામ વિધાનમંડળોની સચોટ અને સ્‍પષ્‍ટ માહિતી માત્ર એક જ કલીક ઘ્‍વારા લોકોને ઉપલબ્‍ધ થશે.

              વર્કશોપમાં ઉપસ્‍થિત રહેલ ભારત સરકારના સંસદીય કાર્યમંત્રાલયના સંયુકત સચિવ અને નેવાના મિશન લિડર ડો. સત્‍યપ્રકાશે જણાવ્‍યું હતું કે નેવા તમામ રાજયના વિધાનમંડળોની કાર્યપઘ્‍ધતિ ઓટોમેટેડ અને પેપરલેસ બનાવવાની ક્ષમતા ધરાવે છે. તેમણે ગુજરાત વિધાનસભાની નેવા ટીમ ઘ્‍વારા ગુજરાત નેવા વેબસાઈટની કામગીરીની પ્રસંશા કરી હતી.                                                                                                              

                                                                       

              ઉકત વર્કશોપમાં ગુજરાત વિધાનસભાના નાયબ સચિવશ્રી એ.બી.કરોવાએ સ્‍વાગત પ્રવચન કરી સૌને આવકાર્યા હતા. વિધાનસભાના નાયબ સચિવશ્રી સી.બી.પંડયાએ ગુજરાત નેવા ટીમની કામગીરીથી વાકેફ કરી નેવાની ખાસીયતોથી માહિતગાર કર્યા હતા.એન.આઈ.સી.ગુજરાતના શ્રી કન્‍નનએ નેવા એપ્‍લીકેશનના વિવિધ મોડયુલ અને ટેકનિકલ બાબતોની જાણકારી આપી હતી.

              દ્વિ- દિવસીય વર્કશોપના પ્રથમ દિવસે ભારત સરકારની રાષ્‍ટ્રીય નેવા ટીમના શ્રી સુજીતકુમાર અને પ્રિયંકાએ વર્કશોપમાં ઉપસ્‍થિત રહી રાજયના વિજ્ઞાન અને પ્રોદ્યોગિકી વિભાગ, વૈધાનિક અને સંસદીય બાબતો, જી.આઈ.એલ. તથા વિધાનસભાના અધિકારીઓ તેમજ કર્મચારીઓને નેવા એપ્‍લીકેશનના વિવિધ મોડયુલોનો પરિચય આપી, પ્રશ્‍નોત્‍તરી મોડયુલ, દિવસના કામગીરીની યાદી અંગેનું મોડયુલ,ગૃહના મેજ ઉપર મૂકવાના કાગળોનું મોડયુલ, નોટિસ મોડયુલ, વિધાનસભાની કાર્યપઘ્‍ધતિ સમજાવી તેમાં લાઈવ ડેટા એન્‍ટ્રીની સમજણ આપી હતી.

               વર્કશોપમાં ગુજરાત રાજયની નેવા ટીમના નાયબ સચિવશ્રી સી.બી.પંડયા, શ્રી ઉપસચિવશ્રી દિનેશ ચૌધરી, સેકશન અધિકારીશ્રી પ્રતિક આચાર્ય, સેકશન અધિકારીશ્રી સંજય કેશવાલા, શ્રી કન્‍નન, શ્રી નીતિન ટાટુ તથા શ્રી નિકુંજ પ્રજાપતિને રાષ્‍ટ્રીય એવોર્ડ જીત્‍યા બદલ માનનીય અઘ્‍યક્ષશ્રી રાજેન્‍દ્રભાઈ ત્રિવેદીના હસ્‍તે સન્‍માન કરવામાં આવ્‍યું હતું.

              ઉકત વર્કશોપમાં વૈધાનિક અને સંસદીય બાબતોના સચિવશ્રી સી.જે.ગોઠી, એન.આઈ.સી. ગુજરાતના ઉપમહાનિર્દેશકશ્રી ડી.કે.ઝાલા સહિત કુલ ૬૦ અધિકારીઓ ઉપસ્‍થિત રહયા હતા. વર્કશોપના અંતે તમામ પ્રતિભાગીઓને સર્ટિફિકેટ વિતરણ કરવામાં આવતા હતા તથા સંસદીય બ્‍યુરોના ડાયરેકટરશ્રી એમ.આઈ.મહેતાએ વર્કશોપમાં ભાગ લઈ તેને સફળ બનાવવા બદલ સૌનો આભાર માન્‍યો હતો. વર્કશોપને સફળ બનાવવા બ્‍યુરો શાખા તથા આઈ.ટી.શાખાના સ્‍ટાફે સખ્‍ત જહેમત ઉઠાવી હતી.